शरीर चालते ते सांध्यांमुळे. दोन हाडे एकत्र येतात तेथे सांधा बनतो. हालचाल करणे हे सांध्यांचे महत्त्वाचे काम आहे. हे सांधे दुखायला लागले, की माणसाच्या शारीरिक हालचालींवर नियंत्रण येते. यालाच संधिवात म्हणतात. सांधेदुखीवर योग्य उपचार झाले नाही, तर हा जुनाट आजार म्हणून कायमचा शरीराचा भाग होऊ शकतो.
हे टाळण्यासाठी काय करावे, हे संधिवाताचे विशेषतज्ज्ञ डॉ. श्रीकांत वाघ यांनी 'संधिवाताचे दुखणे 'मध्ये सांगितले आहे.
सांध्यांची, मणक्याची रचना, संधिवात म्हणजे नेमके काय, त्याची वेगवेगळी रूपे, संधीवाताची कारणे, ऱ्हुमॅटॉलॉजी, ऱ्हुमॅटॉलॉजिचे आजार, ऱ्हुमॅटॉलॉजिस्ट कोण असतात, सांधेदुखीवर त्यांच्याकडून उपचार करून घेण्याचे फायदे, निदान पद्धती, उपचार, वेदनेचा अनुभव, तिचे प्रकार, परिणाम, उपचार,
संधीवाताची औषधे, त्यांचे कार्य, उपद्रव, त्यांच्या वापराविषयी सूचना, सांधेदुखी व व्यायाम, योगसाधना, संधिवात आणि आहार, आयुर्वेद आणि संधीवात, संधिवाताचे विविध प्रकारचे दुखणे, त्याची लक्षणे, उपचार पद्धती, मुलांमधील संधिवात, विविध औषधे, त्यांचा उपयोग व ते घेताना घ्यावयाची दक्षता, याबाबत विस्तृत माहिती यात दिली आहे.
